തിരുവനന്തപുരം: കേരള സര്‍ക്കാര്‍ നിയന്ത്രണത്തിലുള്ള എല്‍.ബി.എസ് സെന്റര്‍ ഫോര്‍ സയന്‍സ് ആന്‍ഡ് ടെക്‌നോളജിക്കു കീഴിലുള്ള വിവിധ സെന്ററുകളില്‍ സെപ്റ്റംബര്‍ മാസം ആദ്യവാരം ആരംഭിക്കുന്ന കേരള ഗവണ്‍മെന്റ് അംഗീകൃത പോസ്റ്റ് ഗ്രാജുവേറ്റ് ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍ (PGDCA), ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍ (DCA), ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍ (സോഫ്റ്റ്‌വെയര്‍) – DCA(S) കോഴ്‌സുകളിലേക്ക് ഓണ്‍ലൈനായി അപേക്ഷിക്കാം.  എസ് എസ് എല്‍ സി യോഗ്യതയുള്ളവര്‍ക്ക് DCA കോഴ്‌സിനും പ്ലസ്ടു യോഗ്യതയുള്ളവര്‍ക്ക് DCA(S) കോഴ്‌സിനും ഡിഗ്രി യോഗ്യതയുള്ളവര്‍ക്ക് PGDCA കോഴ്‌സിനും ചേരാം.  അപേക്ഷ സ്വീകരിക്കുന്ന അവസാന തീയതി ഓഗസ്റ്റ് എട്ട്.  കോഴ്‌സ് സമയം, ഫീസ് തുടങ്ങിയ വിശദമായ വിവരങ്ങള്‍ക്ക് http://lbscetnre.kerala.gov.in/ എന്ന വെബ്‌സൈറ്റ് സന്ദര്‍ശിക്കുക.  ഫോണ്‍: 0471 –2560333.